分化暗湧延續 浮倉減碼提前鎖利過週末
@超級肥叮噹：
恆指全日軟腳橫行：最終收25565.74 點，跌0.34%。 恆生科技指數：收4620.29 點，跌0.13%。 盤面結構：全市升股 1166 隻、跌股 1152 隻，接近一半一半，明擺住係標準結構性行情。指數冇乜大動作，但板塊同個股差天共地。半導體、光通信繼續領漲全市，銀行、保險、消費舊經濟就繼續捱沽，資金喺板塊之間輪動嘅格局，睇得一清二楚。 資金面都同預期冇出入： 南向資金：全日淨買入31.79 億港元，屬於正常結構性流入規模，唔見有海量新錢大舉入場接盤； 大市全日成交：2335.15 億港元，同昨日基本持平，依然係存量資金博弈嘅環境。 外部情緒：再加埋隔夜英偉達業績勁到爆，但常規交易時段反而見光死收跌1.59%，要等到盤後電話會議講出 2028 財年營收增 70% 嘅超預期指引，股價先由跌轉漲、盤後最終漲超4%。呢種業績靚都要先跌一跌、靠額外指引先拉得返嘅走勢，已經預示住高位科技股嘅資金情緒開始轉趨謹慎，獲利盤兌現壓力逐步釋放，午間講嘅暗湧，絕對唔係空穴來風。 一、 個股全按預設計劃走 整體總倉位維持早前定下嘅7 成上限以內，今日所有減倉，只針對個股入面嘅短差倉、短線浮倉部分按比例執行，核心底倉同波段倉全程保持唔鬱，減倉之後組合總倉位依然喺 7 成框架入面，冇突破上限。所有動作全部係午間休市時講明嘅計劃，收市前落地。 $長飛光纖光纜(06869)$ 倉位操作：短差倉減 4 成，核心中線底倉 + 波段倉全數保持唔鬱。 盤面走勢：最高衝至182.2 蚊，全日成交60.09 億，量能夠曬旺盛。 走勢分析：走勢同午間判斷一模一樣：180 蚊關口壓力相當明顯，盤中衝上去之後就反覆震盪，獲利盤開始逐步兌現。不過冇諗到嘅係，再難衝都抵唔住熱情，[吃瓜]下晝臨近三
